Sri Sai Nakshatra Malika lyrics in telugu

Sri Sai Nakshatra Malika lyrics in telugu

శ్రీ సాయినాథుని నక్షత్రమాలిక (Sri Sai Nakshatra Malika) అనేది శిరిడీ సాయిబాబా యొక్క మహిమను, సౌందర్యాన్ని, మరియు విశ్వవ్యాప్తాన్ని 27 నక్షత్రాల రూపంలో వర్ణించే ఒక అపూర్వమైన భక్తి కవిత్వం. ఈ పాటను/స్తోత్రాన్ని భక్తులు ఎంతో శ్రద్ధగా పఠిస్తారు.

🌟 శ్రీ సాయి నక్షత్రమాలిక – వివరణ (Description in Telugu)

నక్షత్రమాలిక అంటే “నక్షత్రాల మాల” – ఈ పద్యంలో శ్రీ సాయినాథుని 27 నక్షత్రాలతో ఒక పుష్పమాల వలె స్మరిస్తారు. ఇది సాధారణంగా సాయిబాబా ఉపాసనలో భాగంగా పారాయణం చేయబడుతుంది.

ఈ కవితలో ప్రతి నక్షత్రాన్ని ఒక పేరుతో పిలుచుతూ, ఆ నక్షత్రానికి తగినట్లు సాయినాథుని గుణాలను ప్రశంసిస్తారు.

🕉️ ఈ స్తోత్రం యొక్క ముఖ్యత:

• భక్తి భావంతో పాటు జ్యోతిష శాస్త్ర ప్రాతిపదికపై ఆధారపడిన అరుదైన రచన.
• ప్రతినిత్యం పారాయణ చేయడం వలన శాంతి, మానసిక స్థైర్యం, గురు అనుగ్రహం లభిస్తాయని విశ్వాసం.
• ఇందులోని పద్యాలు సాయినాథుని పరమాత్మ తత్వాన్ని అందంగా వర్ణిస్తాయి.

🙏 పఠన ప్రయోజనాలు:

• గురు అనుగ్రహం కోసం
• నక్షత్రబాధ నివారణకు
• భక్తి పరమైన ఆధ్యాత్మిక స్థిరత కోసం
• సాయిబాబా ఆశీర్వాదం పొందేందుకు

📌 ముగింపు:

శ్రీ సాయి నక్షత్రమాలిక ఒక ఆధ్యాత్మిక రత్నం. ఇది కవిత్వం, భక్తి, జ్ఞానము మూడు అంశాల సమ్మిళిత రూపం. ఇది మీ సాయిబాబా ఉపాసనలో ఒక భాగంగా చేర్చుకుంటే ఎంతో శ్రేయస్కరం.

షిరిడీసదనా శ్రీసాయీ
సుందర వదనా శుభధాయీ
జగత్కారణా జయసాయీ
నీ స్మరణే ఎంతో హాయీ || ౧ ||

శిరమున వస్త్రము చుట్టితివీ
చినిగిన కఫినీ తొడిగితివీ
ఫకీరువలె కనిపించితివీ
పరమాత్ముడవనిపించితివీ || ౨ ||

చాందుపాటేలుని పిలిచితివీ
అశ్వము జాడ తెలిపితివీ
మహల్సాభక్తికి మురిసితితివీ
సాయని పిలిచితె పలికితివీ || ౩ ||

గోధుమ పిండిని విసరితివీ
కలరా వ్యాధిని తరిమితివీ
తుఫాను తాకిడి నాపితివీ
అపాయమును తప్పించితివీ || ౪ ||

అయిదిళ్లలో భిక్షడిగితివీ
పాపాలను పరిమార్చితివీ
బైజాసేవను మెచ్చితివీ
సాయుజ్యమునూ ఇచ్చితివీ || ౫ ||

నీళ్ళను నూనెగ మార్చితివీ
దీపాలను వెలిగించితివీ
సూకరనైజం తెలిపితివీ
నిందలు వేయుట మాన్పితివీ || ౬ ||

ఊదీ వైద్యము చేసితివీ
వ్యాధులనెన్నో బాపితివీ
సంకీర్తన చేయించితివీ
చిత్తశాంతి చేకూర్చితివీ || ౭ ||

అల్లా నామము పలికితివీ
ఎల్లరి క్షేమము కోరితివీ
చందనోత్సవము చేసితివీ
మతద్వేషాలను మాపితివీ || ౮ ||

కుష్ఠురోగినీ గాంచితివీ
ఆశ్రయమిచ్చీ సాకితివీ
మానవధర్మం నెరిపితివీ
మహాత్మునిగ విలసిల్లితివీ || ౯ ||

ధునిలో చేతిని పెట్టితివీ
కమ్మరిబిడ్డను కాచితివీ
శ్యామా మొర నాలించితివీ
పాము విషము తొలిగించితివీ || ౧౦ ||

జానెడు బల్లను ఎక్కితివీ
చిత్రముగా శయనించితివీ
బల్లి రాకను తెలిపితివీ
సర్వజ్ఞుడవనిపించితివీ || ౧౧ ||

లెండీ వనమును పెంచితివీ
ఆహ్లాదమునూ పంచితివీ
కర్తవ్యము నెరిగించితివీ
సోమరితనమును తరిమితివీ || ౧౨ ||

కుక్కను కొడితే నొచ్చితివీ
నీపై దెబ్బలు చూపితివి
ప్రేమతత్వమును చాటితివీ
దయామయుడవనిపించితివీ || ౧౩ ||

అందరిలోనూ ఒదిగితివీ
ఆకాశానికి ఎదిగితివీ
దుష్టజనాళిని మార్చితివీ
శిష్టకోటిలో చేర్చితివీ || ౧౪ ||

మహల్సా ఒడిలో కొరిగితివీ
ప్రాణాలను విడనాడితివీ
మూడు దినములకు లేచితివీ
మృత్యుంజయుడనిపించితివీ || ౧౫ ||

కాళ్ళకు గజ్జెలు కట్టితివీ
లయ బద్ధముగా ఆడితివీ
మధుర గళముతో పాడితివీ
మహదానందము కూర్చితివీ || ౧౬ ||

అహంకారమును తెగడితివీ
నానావళినీ పొగడితివీ
మానవసేవా చేసితివీ
మహనీయుడవనిపించితివీ || ౧౭ ||

దామూ భక్తికి మెచ్చితివీ
సంతానమునూ ఇచ్చితివీ
దాసగణుని కరుణించితివీ
గంగాయమునలు చూపితివీ || ౧౮ ||

పరిప్రశ్నను వివరించితివీ
నానాహృది కదిలించితివీ
దీక్షితుని పరీక్షించితివీ
గురుభక్తిని ఇల చాటితివీ || ౧౯ ||

చేతిని తెడ్డుగ త్రిప్పితివీ
కమ్మని వంటలు చేసితివీ
ఆర్తజనాళిని పిలిచితివీ
ఆకలి బాధను తీర్చితివీ || ౨౦ ||

మతమును మార్చితె కసరితివీ
మతమే తండ్రని తెలిపితివీ
సకల భూతదయ చూపితివీ
సాయి మాతగా అలరితివీ || ౨౧ ||

హేమాదును దీవించితివీ
నీదు చరిత వ్రాయించితివీ
పారాయణ చేయించితివీ
పరితాపము నెడబాపితివీ || ౨౨ ||

లక్ష్మీబాయిని పిలిచితివీ
తొమ్మిది నాణెములిచ్చితివీ
నవవిధ భక్తిని తెలిపితివీ
ముక్తికి మార్గము చూపితివీ || ౨౩ ||

బూటీ కలలో కొచ్చితివీ
ఆలయమును కట్టించితివీ
తాత్యా ప్రాణము నిలిపితివీ
మహాసమాధీ చెందితివీ || ౨౪ ||

సమాధి నుండే పలికితివీ
హారతినిమ్మని అడిగితివీ
మురళీధరునిగ నిలిచితివీ
కరుణామృతమును చిలికితివీ || ౨౫ ||

చెప్పినదేదో చేసితివీ
చేసినదేదో చెప్పితివీ
దాసకోటి మది దోచితివీ
దశదిశలా భాసిల్లితివీ || ౨౬ ||

సకల దేవతలు నేవెనయా
సకల శుభములను కూర్చుమయా
సతతమునిను ధ్యానింతుమయా
సద్గురు మా హృదినిలువుమ్మయా || ౨౭ ||

సాయీ నక్షత్రమాలికా
భవరోగాలకు మూలికా
పారాయణ కిది తేలికా
ఫలమిచ్చుటలో ఏలికా

Sri Sai Nakshatra Malika lyrics Telugu, Sai Nakshatra Malika Telugu, శ్రీ సాయి నక్షత్రమాలిక లిరిక్స్, Sai Baba Nakshatra Stotram Telugu, 27 Nakshatra stotram, Telugu Sai Baba lyrics, Sai Baba devotional songs Telugu, Nakshatra Malika stotram